होली खेलेर नुहाउने क्रममा सुनकोशीमा बेपत्ता भएका दुई बालबालिका मृत फेला परेका छन्। उनीहरु आइतबारदेखि हराएका थिए।
बुधबार त्रियुगा नगरपालिका वडा नम्बर १४ साउने बस्ने ९ वर्षीया रेखा मगरको शव भेटिएकाे हाे भने मंगलबार सोही ठेगाना बस्ने ६ वर्षका रिदम मगरको शव फेला परेको थियो।
रेखाको शव उदयपुरको त्रियुगा नगरपालिका-२४ स्थित सिम्ले नजिक दुर्गे ढुङ्गामा फेला परेको र रिदमको शव खोटाङको बाराहापोखरी गाउँपालिका वडा नम्बर २ टप्पुभन्ने स्थानमा फेला परेकाे हाे।
९ वर्षका लोकचन्द्र मगर भने अझै बेपत्ता रहेका छन्। होली खेल्दै सुनकोशीमा नुहाउने क्रममा बेपत्ता भएका थिए। प्रहरीले बेपत्ता बालकको खोजी कार्य जारी रहेको बताएको छ।
.JPG)
