उच्च अदालत जनकपुरले बाल यौन दुरुपयोग आरोपमा जिल्ला अदालतबाट दोषी ठहरिएका रामबहादुर बम्जनलाई सफाइ दिएको छ। उच्च अदालतले एक महिनाअघि नै बम्जनलाई सफाइ दिएको हो।
गत चैत ६ गते न्यायाधीशहरू खेमराज भट्ट र नरेश्वर भण्डारीको इजलासले जिल्ला अदालत सर्लाहीको फैसला उल्ट्याउँदै बम्जनलाई सफाइ दिएको हो। बम्जन सफाइ पाएको भोलिपल्ट नै छुटिसकेका थिए। जेलबाट छुटेलगत्तै बम्जन सम्पर्कविहिन भएका छन्। उनी कहाँ छन् कसैलाई अत्तोपत्तो छैन।
यो पनि-
रामबहादुरसँगै बाल यौन दुराचारको आरोप लागेका ज्ञानबहादुर बम्जन र डिगबहादुर बम्जनले पनि सफाइ पाएका छन्। उनीहरूले भने यसअघि जिल्ला अदालतबाट पनि सफाई पाएका थिए।
जिल्ला अदालतको ०८१ असार १७ गतेको फैसलाले रामबहादुर बम्जनलाई बाल यौन दुरुपयोग आरोपमा १० वर्ष कैद र ५ लाख रुपैयाँ जरिवाना सजाय तोकेको थियो।
.JPG)
