दक्षिण अफ्रिकाका भेट्रान अफ स्पिनर इमरान ताहिरले विश्व कप क्रिकेटमा एउटा कीर्तिमान आफ्नो नाममा दर्ता गराएका छन्। उनी विश्व कपको एकै इनिङमा सबैभन्दा बढी ४ विकेट लिने बलर बन्न पुगेका छन्।
शनिबार राती अफगानिस्तानविरूद्ध ९ विकेटले विजयी खेलमा प्रोटियाजका यी भेट्रान बलरले ४ विकेट लिएका थिए। उनले विश्व कपमा ४ विकेट लिने कीर्तिमान ५ पल्ट बनाएका छन्।
यसअघि अस्ट्रेलियाका मिशेल स्टार्क र शेन वार्न, श्रीलंकाका मुथैया मुरलीधरन र पाकिस्तानका साहिद आफ्रिदीले विश्व कपमा ४ विकेट लिने अवसर ४ पल्ट प्राप्त गरेका थिए। स्टार्क हाल अस्ट्रेलियाको टोलीमा समावेश छन्।
ताहिरले विश्व कपको १८ खेलमा ५ पल्ट ४ विकेट लिने कीर्तिमान बनाएका हुन्। स्टार्कको नाममा १३ खेलमा ४ विकेट ४ पल्ट लिने कीर्तिमान छ।
.JPG)
