अमेरिकाको पश्चिमतटीय राज्य क्यालिलोर्नियाको गिलरोयमा आयोजित गार्लिक फेस्टिबलमा भएको मास सुटिङमा कम्तीमा पनि तीनजनाको मृत्यु भएको बताइएको छ । स्थानीय प्रहरीलाई उदृत गर्दै बीबीसीले जनाएअनुसार ११ जना घाइते भएका छन् ।
उत्तरी क्यालिफोर्नियाको यो ठूलो फेस्टिबलमा अन्धाधुन्ध गोली चल्न थालेपछि सहभागीहरूको भाडदौड मच्चिएको थियो ।
यसैबीच अमेरिकी राष्ट्रपति डोनल्ड ट्रम्पले टि्वट गरी सुरक्षाकर्मी घटनास्थलमा पुगेर आवश्यक कारबाहीमा जुटेको बताएका छन् ।
क्यालिफोर्नियाकी सिनेटर कमला ह्यारिसले घटनालाई नजिकबाट नियालिरहेको बताएकी छिन् ।
मास सुटिङ कसले किन गरेको हो ? त्यसबारेमा जाँचबुझ भैरहेको बताइएको छ ।
