कुनै सत्ता परिवर्तन नभई र पश्चिमी राष्ट्रले भन्ने गरेको प्रजातान्त्रीकरण प्रक्रियाबिनै व्यापक राजनीतिक परिवर्तन सम्भव छ भन्ने उदाहरण वर्तमान चीनले प्रस्तुत गरेको छ।  सन् १९७८ मा सत्तामा आएपछि देङ साओपिङले सुरु गरेको सुधार र खुलापनका कारण यो सम्भव भएको हो। चिनफिङले बहुदलीय चुनाव अस्वीकार गरे पनि उनले चीनको कम्युनिस्ट पार्टीको दिशा र यसभित्रको शक्ति बाँडफाँडमा व्यापक परिवर्तन गरिदिएका छन्।