वेष्ट इण्डिजविरुद्धको पहिलो टी २० अन्तर्राष्ट्रिय क्रिकेटमा श्रीलंका पराजित भएको छ।
बुधबार राति भएको खेलमा श्रीलंका पाहुना टोली वेष्ट इण्डिजसँग २५ रनले पराजित भएको हो।
वेष्ट इण्डिजले दिएको १ सय ९७ रनको लक्ष्यसहित जवाफी ब्याटिङ गरेको श्रीलंका १९ ओभर १ बलमा अलआउट हुँदै १ सय ७१ रनमा समेटियो।
श्रीलंकाका कुशल परेराले ६६ रनको अर्धशतकीय इनिङ्स खेले। उनले ३८ बलमा ६ चौका र ३ छक्का प्रहार गर्दै ६६ रन बनाएका हुन्। यस्तै ३४ बलमा ४ चौका प्रहार गरेका बिन्दु हसरंगाले ४४ रन बनाए।
वेष्ट इण्डिजका ओशाने थोमस एक्लैले ५ विकेट लिए। उनले ३ ओभर बलिङ गरेर २८ रनका साथ ५ विकेट लिएका हुन्। यता ४ ओभरमा ३१ रन खर्चिएर रोभम्यान पावेलले २ विकेट लिए।
यसअघि टस जितेर पहिले ब्याटिङ गरेको वेष्ट इण्डिजले २० ओभरमा ४ विकेट गुमाएर १ सय ९६ रन जोडेको थियो। वेष्ट इण्डिजका लेन्ड्ल सिमोन्सले अविजित रहदै ६७ रन बनाए। उनले ५१ बलमा ७ चौका र २ छक्का प्रहार गरेका थिए।
यस्तै आन्द्रे रसेलले ३५, केइरन पोलार्डले ३४ तथा ब्राण्डन किङले ३३ रन बनाए।
श्रीलंकाका लाथिस मालिंगा,इसुरु उडाना, लक्क्षन सान्डकान र वानिन्दु हसरंगाले एक एक विकेट लिए।
जितसँगै वेष्ट इण्डिजले २ खेलको सिरिजमा १-० को अग्रता बनाएको छ।
