निबास मेरो छ कुटी पुरानु
मिलेर बस्छौँ परिवार सानु
जुटाइ उद्योग मिलेर खान
म बस्छु आफैं खुसि हर्ष साथ।।
रमाइ साथै सपना बुनेर
विहान संघर्ष सधैं लडेर
पुगोस आनन्द भनी रमाई
संकल्प आफ्नै मनमा जुटाई।।
जहाँ छ खोजी सबले मिलेर
नयाँ-नयाँ कर्म गरी विचार
छ नित्य ऐश्वर्य यहाँ विशेष
म बस्छु फर्की घर एकबेस।।
न चाह धेरै धन खोजमा छ
न लोभ सम्पत्ति जुटाउने छ
छ जो छ एकै पछिको विचार
छ कर्म जम्मा पछिको छ सार।।
कलाप राम्रा नगरी हुँदैन
विचार राम्रो नजडी हुँदैन
खुला छ संसार यहाँ रमाई
गरेर उद्योग भविष्यलाई।।
म्यान्मार