पछिल्लो केही समय देखि अष्ट्रेलियन घरेलु क्रिकेट खेलिरहेका नेपाली खेलाडी सुनम गौतमलाई पूर्व अष्ट्रेलियन खेलाडी स्टुवार्ट म्याकगिलले बिग ब्यास लिगमा अनुबन्धका लागि विभिन्न क्लवमा सिफारिस गरेका छन । जसका कारण यतिबेला उनको चर्चा बढिरहेको छ ।
म्याकगिलले ट्विट गर्दै सुमनलाई बिग ब्यास लिगका क्लवले अनुबन्ध गर्नुपर्ने धारणा राखेका हुन । उनले ट्विटमा कुनैपनि बीबीएल क्लवले स्पिनरको खोजि गरिरहेका छन, जो विपक्षीमाथि हावी भएर खेल जिताउन सकोस, यस्तोमा उनीहरुले अरु नभई सुनमलाई टिममा लिनुपर्ने बताएका छन । त्यसमा उनले सुनमको ट्विटर ह्याण्डलपनि राखेका छन ।
अष्ट्रेलियाका लागि १० वर्ष खेलका म्याकगिलले सन् २००८ मा अन्तिम टेष्ट खेलेका थिए । लेग स्पिनर म्याकगिलको क्षमता भएपनि अर्का सुपर स्टार स्पिनर सेन वार्नको छायाँमा परेका थिए । वार्नका भन्दा म्याकगिलको स्ट्राइक रेट कम थियो । वार्नको ५७.४ स्ट्राइक रेट थियो भने म्याकगिलको ५४.० रहेको थियो ।
Any BBL club looking for a spin bowler capable of sneaking up on the opposition and winning close matches should look no further than @sunam_cric
— stu macgill (@scgmacgill) September 1, 2020
Trust me. https://t.co/iYGl8n1926 https://t.co/dWtvxyyaaB
