गृह मन्त्रालयले कर्फ्यू लाग्ने सूचना सम्प्रेषण भइरहेको भन्दै उक्त सूचना भ्रामक भएको जानकारी दिएको छ।
पछिल्लाे समय काेराेना भाइरस संक्रमतिहरुकाे संख्या बढ्दै गएपछि मोबाइल, सामाजिक सञ्जाललगायत विद्युतीय माध्यममा संकटकाल लाग्ने र कर्फ्यू लाग्ने लगायतका सूचनाहरु प्रकाशित भइरहेका छन्।
तर ती सबै सूचनाहरु तथ्यहीन, भ्रामक, निराधार र गलत भएको मन्त्रालयले विज्ञप्ति जारी गर्दै जानकारी गराएको छ।
गृहले यस घटनालाई गम्भीरतापुर्वक लिई आवश्यक अनुसन्धान प्रक्रिया अघि बढाइसकेको पनि विज्ञप्तिमा उल्लेख छ।
