प्रधानमन्त्री राष्ट्रिय क्रिकेट टि२० प्रतियोगितामा लुम्बिनी प्रदेश सेमिफाइनल नजिक पुगेको छ।
आइतबार लुम्बिनीले कर्णालीलाई ९ विकेटले हराउँदै सेमिफाइनल नजिक पुगेको हो। जितका लागि पाएको ३५ रनको सामान्य लक्ष्य पछ्याएको लुम्बिनीले ३.१ ओभरमा १ विकेट गुमाउँदै पूरा गरे।
लुम्बिनीका लागि नेरी थापा ९ र सरस्वती घर्तिमगर ३ रनमा अविजित रहिन्। यता गिता गोसाई ४ रनमा आउट भइन्।
कर्णालीकी अन्जु गुरुङले एक विकेट लिएकी थिइन्।
त्यसअघि देउखुरीमा टस जितेर पहिला ब्याटिङ गरेको कर्णालीले निर्धारित १३ ओभरमा ६ विकेट गुमाउँदै ३४ रन बनाएको थियो।
कर्णालीका लागि दीक्षा पुरी सर्वाधिक ८ रनको योगदान दिइन्। उनले ४ बलमा २ चौका प्रहार गरिन्।
यता अन्शु शाक्य १४ बलमा ७ रनमा अविजित रहिन्। ओपनर मोनिका रानाले १६ बलमा २ रन जोडिन्।
यता तृसना विश्वकर्मा २ रनमा रन आउट भइन्। उनले ३१ बल खेलेकी थिइन्।
यस्तै कप्तान लक्ष्मी रिमाल २ र अन्जु गुरुङ १ रनको योगदान दिइन्।
लुम्बिनीकी कप्तान नेरी थापाले ३ ओभरमा १३ रन खर्चेर २ विकेट लिइन्। सुस्मिता भुषालले ३ ओभरमा २ मेडन राख्दै १ रन खर्चिन्।
सरिता जिसी र गिता गोसाईले नाममा १–१ विकेट लिए।।
लगातार दुई हारसँगै कर्णालीको समूहबाट बाहिरिन औपचारिक बाँकी छ। लुम्बिनीले पहिलो खेलमा प्रदेश २ लाई ९ विकेटले हराएको थियो।
