काठमाडाैंमा जारी प्रधानमन्त्री कप पुरुष राष्ट्रिय क्रिकेट प्रतियोगितामा नेपाल पुलिस क्लबका पवन सर्राफले १३ बलमै अर्धशतक प्रहार गरेका छन्।
बिहीबार लुम्बिनी प्रदेशविरुद्धको खेलमा पवनले १ चौका र ६ छक्का प्रहार गर्दै अर्धशतक पूरा गरेका हुन्।
उनी प्रधानमन्त्री कपकाे इतिहासमा सबैभन्दा छिटो अर्धशतक प्रहार गर्ने व्यक्ति बनेका छन्।
टीयू मैदानमा टस हारेर पहिले ब्याटिङ गरेको पुलिसले ५० ओभर खेल्दै ४ विकेट गुमाएर ३१० रन बनाएको हो।
पुलिसका सुनिल धमलाको शतक, दीपेन्द्र सिंह ऐरीको अर्धशतक मद्दतमा लुम्बिनीलाई ३११ रनको लक्ष्य दिएको छ।
पुलिसका लागि धमलाले १४५ बल खेल्दै ७ चौका र १ छक्का मद्दतमा १०४ रन बनाए। यस्तै दिपेन्द्र सिंह ऐरीले ६१ बल खेल्दै ६ चौका र १ छक्का मद्दतमा ८५ रन बनाए। अमित श्रेष्ठले २८ रन जोडे। कुशल भुर्तेल ६ रन बनाएर आउट भए।
यस्तै आरिफ शेख २९ रनमा अविजित रहे। आरिफले १४ बल खेल्दै २ चौका र २ छक्का प्रहार गरे।
लुम्बिनीका लागि कप्तान कृष्ण कार्की, अनिल खरेल, दिपेन्द्र रावत र सौरभ खनालले १/१ विकेट लिए।
.jpg)
.JPG)
