पछिल्लो २४ घण्टामा देशभर ५ हजार ४२ जना कोरोना सङ्क्रमित थपिएका छन्। त्यसैगरी ८ हजार २४३ जना सङ्क्रमणमुक्त भएका छन्।
स्वास्थ्य तथा जनसङ्ख्या मन्त्रालयका अनुसार पीसीआर विधिबाट ११ हजार ४७१ र एन्टिजेन विधिबाट ५ हजार ३४३ जनाको कोरोना परीक्षण भएको थियो । जसमा एन्टीजेन परीक्षणमा १५०२ र पीसीआर परीक्षणमा ३ हजार ५४० गरी कुल ५ हजार ४२ जनामा संक्रमण पुष्टि भएको हो।
पछिल्लो २४ घण्टामा कोरोनाबाट ६८ जनाको मृत्यु भएको छ। योसहित कूल मृत्यु हुनेको सङ्ख्यामा ७ हजार ७९९ जना पुगेको छ।
मन्त्रालयका अनुसार हालसम्म पाँच लाख ८५ हजार १०० जनामा कोरोना सङ्क्रमण पुष्टि भएको छ। त्यसैगरी चार लाख ७४ हजार ३७३ जना निको भएका छन्।
