संयुक्त राज्य अमेरिकाले सोमबार कम्तिमा ११ लाख नयाँ कोरोनाभाइरस संक्रमण रिपोर्ट गरेको छ। यो विश्वको कुनै पनि देशको उच्चतम दैनिक कोरोना भाइरस संक्रमण संख्या हो।
यो भन्दा अघिल्लो रेकर्ड जनवरी ३ मा १० लाख केसहरू रिपोर्ट गरिएको थियो। धेरै राज्यहरूले सप्ताहन्तमा रिपोर्ट नगरेका कारण प्रत्येक सोमबार ठूलो संख्यामा केसहरू रिपोर्ट हुन्छन्। नयाँ केसहरूको लागि साता दिनको औसत दुई हप्तामा तीन गुणा बढेर दिनको ७ लाख नयाँ संक्रमण पुगेको छ।
सबै राज्यहरूले सोमबार रिपोर्ट गरेका छैनन् र अन्तिम आंकडा अझ बढी हुने सम्भावना छ।
नयाँ केसहरूमा रेकर्ड उही दिन आयो जब राष्ट्रले अस्पताल भर्ना (कोभिड१९) बिरामीहरूको संख्या पनि सबै समयको उच्चमा पुगेको देख्यो, तीन हप्तामा दोब्बर भएको, रोयटर्सको तथ्याङ्कले जनाएको छ।
जबकि ओमिक्रोन संक्रमण सम्भावित रूपमा कम खतरा भए पनि स्वास्थ्य अधिकारीहरूले संक्रमणको संख्या वढ्नुले अस्पतालमा तनाव दिन सक्ने चेतावनि दिएको छ। किनकि उनीहरूले बिरामी र कर्मचारी अभावको बृद्धिलाई सम्हाल्न संघर्ष गरिरहेका छन्।
संक्रमणका केसहरूमा भएको बृद्धिले विद्यालयहरूलाई बाधा पुर्यांएको छ । कर्मचारी, शिक्षक र बस चालकहरूको अनुपस्थितिमा संघर्ष गरिरहेका छन्।
शिकागोले चौथो दिनको लागि कक्षाहरू रद्द गराएको छ। जिल्ला र शिक्षकहरूमा बढ्दो संक्रमणसँग कसरी व्यवहार गर्ने भन्नेमा सहमत हुन सकेका छैनन।
न्यूयोर्क शहरले ठूलो संख्यामा कामदारहरू बिरामी परेकाले तीनवटा सबवे लाइनहरूमा सेवा निलम्बन गरेको छ। कामदारहरूलाई कार्यालय फर्काउने कम्पनीहरूको योजना पनि ढिलाइ भइरहेको छ। प्रति दिन मृत्यु औसत १७ सयको हारहारीमा रहेको रिपोर्टले जनाएको छ।
