देशमा एउटा आन्दोलन सुरू भएको छ। आन्दोलनको मुख्य एजेन्डा छ- बालबालिकामाथि यौनजन्य हिंसा सम्बन्धीको कसुरमा हदम्याद खारेज गर! जहिलेसुकै उजुरी गर्ने व्यवस्था गर!
स्पोटलाइट म्यागजिनले सन् २०२० मा गरेको एक अध्ययनले नेपालमा हुने गरेका बलात्कारजन्य कसुरमध्ये सबैभन्दा धेरै ७७ प्रतिशत बलात्कार उमेर नपुगेका बालिकाहरूमाथि हुने गरेको तथ्य सार्वजनिक गरेको थियो।
महिला पुनर्स्थापना केन्द्र ओरेकले दिएको डाटामा स्पोटलाइट लेख्छ‐ त्यसमा पनि सबैभन्दा धेरै ११ देखि १८ वर्षसम्मका किशोरीहरू बलात्कृत भएका छन्। २०२० को आकडामा ११ देखि १८ वर्षसम्मका पीडितहरू ८६ प्रतिशत थिए भने २ देखि १० वर्षका १३ प्रतिशत थिए। त्यसयता अर्को रिपोर्ट आएको छैन तर बालबलात्कारको श्रृंखला रोकिएकै छैन।
