मोडल शाक्षी लम्साल र विष्णु खरेल अभिनित ‘माया बस्यो है’ बोलको म्युजिक भिडियो सार्वजनिक भएको छ। 

प्रेमिल शैलीको यस गीतमा गायक पवन गिरीको स्वर, शब्द र सङ्गीत रहेको छ, भने  वृजेश श्रेष्ठको रहेको छ। 

राज पोख्रेलले छायाङ्कन रहेको भिडियोलाई विकास दाहालले सम्पादन गरेका हुन्। ‘दिनरात सपना देख्छु, तिमीलाई नै सधैँ भेट्छु’ ‘ल है ल है, माया बस्यो है’, ‘तिम्रो साथ आइपुग्दा...’ लगायत बोलका गीत म्युजिक भिडियोमा समावेश गरिएको छ।

अनुप चापागाईँको निर्देशनमा भिडियो तयार पारिएको हो। भिडियो गायक गिरीको आधिकारिक च्यानल पवन गिरी ‘अफिसिएल’मार्फत् सार्वजनिक भएको छ।

 यसअघि गायक गिरीको स्वरमा रहेको ‘बधाई छ’, ‘मिल्टेरिको जुत्ता’, ‘म जे छु’, ‘मलाई एकछिन देऊ’ लगायत थुप्रै गीत सार्वजनिक भइसकेका छन्।

निर्माण समूहले भिडियो हेरेर प्रतिक्रिया दिन दर्शकसँग आग्रह गरेको छ।