सुदूरपश्चिम प्रदेश सरकारले नेपाललाई विश्वकप क्रिकेटको क्वालिफायरमा छनाेट गराउन महत्वपूर्ण भूमिका खेलेका ५ क्रिकेटरलाई नगद पुरस्कार दिने घोषणा गरेको छ।
सुदूरपश्चिम सरकारले दीपेन्द्र सिंह ऐरी र भीम सार्कीलाई जनही २ लाख रुपैयाँ दिने , सन्दीप जोरालाई १ लाख र कमल सिंह ऐरी र अर्जुन सावदलाई जनही ५० हजार रुपैयाँ दिने घोषणा गरेको हो।
नेपाल ओडीआई लिग डिभिजन २ अन्तर्गतको अन्तिम खेलमा युएईलाई ९ रनले पराजित गरेर विश्वकप क्रिकेट क्वालिफायरमा सीधै छनोट भएको थियो।