सुन्दर सुदूरपश्चिमको पहाडी जिल्ला बैतडीमा जन्मिएको म। मेरो बालापन बैतडीकै सुन्दर गाउँ श्रीकोटमा बित्यो। सानोमा हजुरबुबा, हजुरआमा, बाबा र आमासँग बसेकाले होला म रेडियोतिर निकै आकर्षित थिएँ।
उहाँहरू धेरै नै रेडियो सुन्नुहुन्थ्यो। म त्यही हुन्थेँ, रेडियो सुन्दा मनमा विभिन्न प्रश्नहरू आउँथे। यति सानो डब्बाभित्र कसरी मान्छे अटाएको होला भनेर जान्न मन लाग्थ्यो। के म पनि यसरी नै बोल्न सकुँला र भन्ने विचार आउँथे।
