इजरेलले गाजामा स्थल आक्रमण गर्ने तयारी गरिरहेको छ।
उसको सेनाले गाजाको उत्तरी क्षेत्रमा बसिरहेका ११ लाख मानिसहरूलाई दक्षिणमा स्थानान्तरण हुन भनेको छ। यसैबीच दशौँ हजार फौज, ट्याङ्क र गोलीगठ्ठाहरू सीमा नजिकै तैनाथ गरिएका छन्।
तर व्यापक जनघनत्व रहेको गाजाको शहरी क्षेत्रहरूमा स्थल फौजहरू पठाएर गरिने सैन्य कारबाही जोखिमसहितको चुनौती हो।
अहिलेसम्म उक्त सम्भावित स्थल कारबाहीको दायरा प्रस्ट छैन। उक्त आक्रमण कति परसम्म जान्छ र कति समय चल्छ भन्नसक्ने अवस्था छैन।
