रथीमा बढुवा हुने प्रक्रियामा रहेका उपरथी ताराध्वज पाण्डेले उमेर विवादका कारण राजीनामा दिएपछि प्रधानसेनापति प्रभुराम शर्मामाथि नैतिक प्रश्न उठेको छ।
सबै प्रकारका कागजात चुस्तदुरुस्त बनाएर मात्र सिफारिस गर्नुपर्नेमा उमेर विवादमा परेका उपरथी पाण्डेलाई आफ्नो उत्तराधिकारीको रोलक्रममा राखेर बढुवा सिफारिस गरेपछि प्रधानसेनापतिमाथि नैतिक प्रश्न उठेको हो।
त्यति मात्र होइन, सहायक रथीबाट उपरथीमा बढुवा भइसकेपछि २०७६ सालमै पाण्डेको उमेर विवाद निरूपण गर्ने समितिमा हालका प्रधानसेनापति शर्मासमेत रहेका कारण पनि उनीमाथि नैतिक प्रश्न उठेको हो।
