काठमाडौँ महानगरपालिकाले विद्यालयमा अनुशासन इन्चार्ज (डीआई) नराख्न निर्देशन दिएको छ।

महानगरभित्र सञ्चालित केही विद्यालयले विद्यार्थीको अनुशासन कायम राख भन्दै अनुशासन इन्चार्ज (डीआई) राख्ने गरेकाले विद्यार्थीमा नकारात्मक प्रभाव पारेकाे गुनासो आएपछि डीआई नराख्न अनुरोध गरिएको महानगरपालिकाका शिक्षा अधिकारी सीताराम अधिकारीले जानकारी दिए।

‘काठमाडौँ महानगरपालिकाभित्र सञ्चालित केही विद्यालयले विद्यार्थीको अनुशासन कायम राख भन्दै अनुशासन इन्चार्ज (डीआई) राख्ने गरेको र त्यस्तो व्यक्तिले विद्यार्थीमा भय सिर्जना गराउने, मनोवैज्ञानिक रुपले नकारात्मक प्रभाव पार्ने र शारीरिक सजायसमेत दिने गरेको विषयमा गुनासो प्राप्त भएकाले विद्यार्थीमैत्री सिकाइ बातावरण सिर्जना गर्न विद्यालयमा अनुशासन इन्चार्ज (डीआई) राखे व्यवस्था नगर्नु नगराउनु हुन सम्बन्धित सबैलाई सूचित गरिन्छ’, महानगरद्वारा जारी विज्ञप्तिमा भनिएकाे छ।