उच्चस्तरीय सरकारी अनुसन्धान टोलीले दिएका सुझाव कार्यान्वयन नहुँदा त्रिभुवन अन्तर्राष्ट्रिय विमानस्थलमा अहिले पनि ‘गोरे ग्याङ’ शैली पच्छयाउँदै सुन तस्करी भइरहेकोे छ।
प्रहरीले कतारको दोहाबाट सुन बोकेर आएका सिरहाका धमेन्द्रकुमार यादव र उनले ल्याएको सुन विमानसम्म पुगेर लिने रञ्जनकुमार यादवलाई पक्राउ गरेपछि गोरे शैली निरन्तर रहेको खुलेको हो। महानगरीय प्रहरी परिसर काठमाडौंले आइतबार धमेन्द्रलाई नियन्त्रणमा लिएपछि उनकै बयानका आधारमा नेपाल वायुसेवा निगमका कर्मचारी रञ्जनकुमार यादवलाई पक्राउ गरेको थियो।
