१० दिनअघि लर्ड्स मैदानमा पहिलो पल्ट विश्व विजेता बनेको इंग्ल्यान्डलाई त्यही मैदानमा विश्व कप नखेलेको आयरल्यान्डले नमिठो झट्का दिएको छ।
अस्ट्रेलियाविरूद्ध एसेज शृंखला अगाडि भएको ४ दिने टेस्टको पहिलो इनिङमा इंग्ल्यान्डलाई लर्ड्समा ८५ रनमा आयरल्यान्डले अलआउट गरेपछि विश्व विजेता टिमको आलोचना हुन थालेको छ।
इंग्ल्यान्डलाई दबाबमा राख्न टिम मुतार्घले ९ ओभरमा १३ रन खर्चेर ५ विकेट लिए। पहिलो टेस्ट खेलिरहेका मार्क एडेयरले पनि ३२ रन खर्चेर ३ विकेट लिए।
इंग्ल्यान्डले विश्व कपको स्टार ब्याट्सम्यान जेसन रोयलाई ५ रनमा गुमाएको थियो।
इंग्ल्यान्डका लागि जो डेनलीले सर्वाधिक २३ रन बनाए।
-(1).jpg)
.JPG)
