प्रहरीले काठमाडौं उपत्यका भित्र गैरकानुनी रुपमा हुण्डीको कारोवार गरेको आरोपमा दुई जनालाई पक्राउ गरेको छ। पक्राउ पर्नेमा काठमाडौं महानगरपालीका १८ नरदेवी बस्ने गोर्वधनप्रसाद सरावगी र अर्घाखाँची शितगंगाका नगरपालीका ४ जोगेनिकोटका कृष्णप्रसाद भट्टराई रहेका छन्।
उनीहरुलाई राजस्व छली गरिरहेको सूचनाको आधारमा अपराध महाशाखा टेकुबाट खटिएको टोलीले बिहीबार पक्राउ गरेको हो।
अन्जली ओभरसिजका संचालक समेत रहेका सरावगीलाई रु ३० लाख नगद र भट्टराईलाई रु ८ लाख १२ हजार नगद लगायत विभिन्न व्यक्तिहरुको नाममा काटिएको चेकसहित पक्राउ गरेको महाशाखाका बरिष्ठ उपरिक्षक सकुलबहादुर थापाले बताए।
