सहिद स्मारक ए डिभिजन लिगमा बिहीबार दुई खेल हुँदैछन्।
अखिल नेपाल फुटबल संघ एन्फाका अनुसार पहिलो खेलमा ब्रिगेड ब्वाईज क्लब र मनाङ मस्याङ्दी क्लब तथा दोस्रो खेलमा संकटा क्लब र जावलाखेल युथ क्लबबीच प्रतिस्पर्धा हुँदैछ।
पहिलो खेल एन्फा कम्प्लेक्समा मध्यान्न १२ बजे सुरु हुनेछ।
लिगको शीर्षस्थानमा पुग्न मनाङलाई आजको खेलमा बराबरीनै पर्याप्त छ। उसको २ खेलबाट ६ अंक छ। मनाङ गोल अन्तरका आधारमा मछिन्द्र भन्दा पछाडी रहेको छ।
यस्तै ब्रिगेड एक जित र एक हारसहित ३ अंक बटुल्दै लिगको सातौं स्थानमा हरेको छ।
दशरथ रंगशालामा हुने संकटा र जावलाखेलबीचको दोस्रो खेल दिउँसो ३ बजे सुरु हुनेछ।
अपराजित जावलाखेलको २ खेलबाट ४ अंकको रहेको छ।
जावलाखेललाई संकटाविरुद्ध जित निकाल्दै शीर्षस्थान उक्लने अवसर छ।
तर पहिलो खेलमा मनाङ पराजित भएको समिकरण तय हुनुपर्नेछ। संकटा एकमा जित र एकमा हार सहित लिगको आठौं स्थानमा रहेको छ।