काठमाडौंमा जारी आईसीसी विश्वकप क्रिकेट लिग–२ अन्तर्गत त्रिकोणात्मक सिरिजको दोस्रो खेलमा अमेरिकाले ओमानसँग प्रतिस्पर्धा गरिरहेको छ।
टियु क्रिकेट मैदानमा टस हारेर पहिले ब्याटिङ गरेको अमेरिकाले ओमानलाई जितका लागि २ सय १४ रनको लक्ष्य दिएको छ।
अमेरिकाले ५० ओभरमा अलआउट हुँदै २ सय १३ रन बनाएको हो।
अमेरिकाका लागि इयन होल्याण्डले ६५ रनको अर्धशतकीय इनिङ्स खेले । उनले ७८ बलमा ६ चौका प्रहार गरेका थिए। यस्तै ५३ बलमा ३ चौका र २ छक्कासहित अक्षय होमराजले ४४ रनको योगदान दिए।
यता मोनक पटेल १९ र तिमिल पटेल १६ रनमा आउट भए।
ओमानका मोहमद नदीमले ३ विकेट लिए । कप्तान जिशान मकसुद, बिलाल खान र अकीब इलियास २–२ विकेट लिए । कलीमुल्लाहको नाममा १ विकेट रह्यो ।
