थप १३ जना कोरोना संक्रमित डिस्चार्ज, निको हुनेको संख्या २१९ पुग्यो

बिएल संवाददाता

काठमाडाै‌ं

नेपालमा शनिबार एकैपटक १३ कोरोना भाइरस संक्रमित डिस्चार्ज भएका छन्।  

स्वास्थ्य तथा जनसंख्या मन्त्रालयका अनुसार काठमाडौंको बुढानिलकण्ठ र टोखाका २ संक्रमित निको भएर घर फर्किएका छन्। उनीहरु टेकु अस्पतालको आइसोलेशनमा उपचाररत थिए। 

यस्तै बलम्बुस्थित कोभिड युनिफइाड अस्पतालबाट भक्तपुर र ललितपुरका एकएक तथा काठमाडौंका ९ जना डिस्चार्ज भएका हुन्। त्यस्तै काठमाडौंको चन्द्रागिरी नगरपालिका १० की सात वर्षीया बालिकासमेत डिस्चार्ज भएकी छिन्।

यता महानगरीय प्रहरी प्रभाग कालीमाटीका दुई प्रहरीमध्ये प्रहरी नायब निरीक्षक र प्रहरी जवान पनि डिस्चार्ज भएको अस्पतालका निर्देशक डीआईजी हरिचन्द्र अधिकारीले बिएल नेपाली सेवालाई जानकारी दिए।

अब सशस्त्र प्रहरी अस्पतालको आइसोलेसनमा दुईजना संक्रमित उपचाररत छन्।

यससँगै कोरोना भाइरसबाट निको भएर घर फर्किने संख्या २१९ पुगेको छ।  

प्रकाशित मिति: : 2020-05-30 16:48:05

प्रतिकृया दिनुहोस्