डा. समीरमणि दीक्षित
कोभिड-१९ महामारीको वर्तमान चरणको कुरा गर्नुअघि हामीलाई यो भाइरसबारे के कति थाहा छ भन्ने कुरा महत्वपूर्ण हुन्छ । खास भन्ने हो भने हामीलाई २० देखि २५ प्रतिशत मात्र थाहा छ । त्यो पनि अरू देशको तथ्यांक हेरेर थाहा पाएका हौं । त्यताको तथ्यांक हेरेर हामीले यता निष्कर्ष निकालिरहेका छौं । हाम्रो दक्षिण एसियामा कोभिडसँग सम्बन्धित धेरै अनुसन्धानहरू नै भएका छैनन् । त्यसैले हामी सीमित तथ्यांकमा टेकेर बोलिरहेेका छौं ।
अंग्रेजीमा भनिन्छ, ‘लिटिल नलेज इज डेन्जरस ।’ (अल्पज्ञान खतरनाक हुन्छ) हामीलाई लाग्छ, हामीले पढेका छौं, जानेका छौं । तर हामीले पढेको बुझेको कुरा त हाम्रो ठाउँको होइन ।
