विगत २४ घण्टायता नेपालमा थप १०८ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमका अनुसार देशभरका २५ वटा प्रयोगशालामा ४ हजार ५ सय ८८ जनाको पिसिआर परीक्षण गर्दा १ सय ८ जनामा पुष्टि भएको हो।
यो सँगै बुधबारसम्म नेपालमा १६ हजार ५ सय ३१ पुगेको हो।
देशभरका क्वारेन्टिनमा २४ हजार ४ सय २५ जना मानिसहरू छन्। पछिल्लो २४ घण्टामा १३९ डिस्चार्ज भएका छन्। यो सँगै ८ हजार ८ सय ९१ जना निको भएर घर फर्किएका छन्।
अस्पतालका आइसोलेसनमा संक्रमित एक्टिभ केस ८ हजार ६ सय ५ रहेको मन्त्रालयले जनाएको छ। हालसम्म कोरोनाबाट संक्रमणमध्ये मृत्यु हुने संख्या ३५ पुगेको छ।
