प्रधानमन्त्री केपी शर्मा ओलीले श्रीलंकाका प्रधानमन्त्री महिन्दा राजापाक्षलाई बधाइ ज्ञापन गरेका छन्।
श्रीलंकामा सम्पन्न संसदीय निर्वाचनमा राजापाक्षको पार्टीले जित हासिल गरेपछि प्रधानमन्त्री ओलीले बधाइ दिएका हुन्।
प्रधानमन्त्री ओलीले शुक्रबार फोनमार्फत् नेपाल सरकार, नेपाली जनता, आफू र आफ्नो पार्टी नेकपाको तर्फबाट बधाइ र शुभकामना दिएको ट्वीटमार्फत् जानकारी दिएका छन्।
I called Prime Minister Mahinda Rajapaksa of Sri Lanka today to congratulate him on behalf of the government and people of Nepal as well as on my own and the NCP, on the landslide electoral victory of SLPP and conveyed best wishes for his successful tenure of office.
— K P Sharma Oli (@kpsharmaoli) August 7, 2020
प्रधानमन्त्री ओलीले उनका समकक्षी राजापाक्षलाई नेपाल भ्रमणको निम्तोसमेत दिएका छन्।
प्रधानमन्त्री ओलीको फोन र शुभकामनाप्रति राजापक्षले धन्यवाद ज्ञापन गरेका छन् । उनले ट्वीटमार्फत् नै प्रधानमन्त्री ओलीले नेपाल भ्रमणको निम्तो दिएको जानकारी दिए।
Thank you to @PM_Nepal KP Sharma Oli for your call, warm wishes and the invitation to visit Nepal. Sri Lanka values its friendly relations with your country & will always stand by the people of Nepal in times of need. I look forward to further enhancing our cooperation.
— Mahinda Rajapaksa (@PresRajapaksa) August 7, 2020
संसदीय निर्वाचनमा राष्ट्रपति गोटब्या राजापाक्ष र उनका भाइ महिन्दा राजापक्षको पार्टी श्रीलंका पिपल्स फ्रन्ट (एसएलपीपी) र सहयोगी दलहरुले दुई तिहाइ सिट जितेका छन् ।
जितसँगै महिन्दा राजापाक्षलाई फेरि प्रधानमन्त्री बन्ने बाटो खुलेको छ। उनले नै गएको नोभेम्बरदेखि कामचलाउ सरकारको नेतृत्व गरिरहेका थिए।
श्रीलंकाको आमनिर्वाचनमा राजापाक्ष परिवारको श्रीलंका पिपल्स फ्रन्टले कुल २२५ मध्ये १४५ सिट जितेको हो । पाँच सिट भने एसएलपीपीको सहयोगी पार्टीले जितेको छ।
