दार्चुलाको होटलमा एक नेपाल प्रहरीका सई मृत फेला परेका छन्।
महाकाली नगरपालिका ४ बंगाबडाको एक होटलमा बास बसेका कैलाली टीकापुरका सई ध्रुव रावल शुक्रबार बिहान मृत फेला परेका हुन्।
उनको शव आज बिहान होटलको बाथरुम अगाडि लडिरहेको अवस्थामा फेला परेको जिल्ला प्रहरी कार्यालय दार्चुलाले जनाएको छ।
सई रावलको सरुवा इलाका प्रहरी कार्यालय हुतीमा भएको थिए। हुती जाने क्रममा उनी होटलमा बास बसेका थिए।
उनी बाथरुममा लडिरहेको अवस्थामा भेटिएपछि जिल्ला अस्पताल दार्चुलामा लगिएको थियो। तर डाक्टरहरुले उनलाई मृत घोषणा गरेकाे जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले बताए।
सई रावलको मृत्यु कसरी भयो भन्ने विषयमा अनुसन्धान भइरहेको प्रहरीले जनाएको छ।
