६८ वर्षीय राजाराम कुमाल माटो भने पछि हुरूक्कै हुन्छन्। उनको जीवनका ५२ वर्ष माटोसँगै खेलेर बिते। यही कारण राजारामको माटोसँग गहिरो सम्बन्ध छ। कैलालीको कैलारी गाउँपालिका- ५ बन्दरगौरीका राजारामको पेसा माटोका भाडाँकुडाँ बनाउने हो।
उमेर ढल्किदै गए पनि उनको जोस, जाँगर, फुर्ति भने यो पेसाप्रति फिटिक्कै कम भएको छैन।
माटाका भाडाँकुडाँ बनाउने काम उनका पुर्खाले गरेका थिए। पुर्खाले सिकाएको सीप आफूले सदुपयोग गर्न पाउँदा उनी मख्ख छन्।
‘हाम्रो बुवाले गरे, बाजेले गरे, पुर्खाहरूले गरेको कामलाई अहिले मैले पनि गर्दै आएको छु’, उनले भने।
