क्लबहाउसमा अहिलेसम्म दुई सयभन्दा बढी छलफल चलाएको एउटा दैनिक चल्ने कोठा छ।
पछिल्लो समय त्यहाँको छलफल पनि एमसिसीमय छ। त्यही छलफलको क्रममा नेताहरूको पाखण्ड र दोहोरो मापदण्डका कुरा भइरहँदा एउटा समाचार सेयर भयो- माओवादी र नेकपा एसका नेताका छोराछोरी अमेरिकामा, जनताका छोराछोरी एमसिसीविरूद्ध सडकमा।
समाचारका अनुसार माओवादी नेता जनार्दन शर्माका छोरा र छोरी अमेरिकामा छन्। देवेन्द्र पौडेल, शक्ति बस्नेत र सत्या पहाडीका छोरीहरू अमेरिकामा छन्। पुष्पकमल दाहाल 'प्रचण्ड' का नातिले पढ्ने नेपालकै स्कुलको मासिक खर्च लाख हाराहारी छ।
