केही वर्षअघि एकजना दिदीको मार्कशीट निकाल्ने कामले बल्खुतिर गएको थिएँ। लाइन लाग्दा लाग्दा वाक्क दिक्क! बल्लतल्ल अफिस बन्द हुनुअघि भौचर र फर्म बुझाउन भ्याइयो। चिया पिउन खाजा पसलमा छिरेँ।
'आन्टी चिया बनाइदिनु न!'
'चिया मात्र भाइ?'
'हजुर, अरू के छ र?'
'चुरोट त होइन नि?'
म खिस्स हाँस्दै भनेँ, ' होइन आन्टी, चिया मात्र।'
चिया नआउँदासम्म मलाई किन आन्टीले चुरोट सजेस्ट गर्नु भो भनेर सोच्न बाध्य भएँ। आन्टीको बिजनेस आइडिया होला भन्ने लाग्यो।