न्यायपालिका शुद्धीकरणका सम्बन्धमा न्यायाधीश हरिकृष्ण कार्कीको प्रतिवेदनका केही बुँदा कार्यान्वयन भइसकेका छन् भने सुझावका केही बुँदा कार्यान्वयनकै चरणमा छन् । न्यायपालिका शुद्धीकरणको प्रतिवेदन दिने न्यायाधीश हरिकृष्ण कार्की यतिबेला आफै न्यायपालिकाको बागडोर सम्हाल्न आइपुगेका छन् ।
कार्कीको प्रतिवेदनमा न्यायपालिकाभित्र विचौलिया रहेको र कतिपय मुद्दामा सेटिङ हुने गरेको संकेत समेत गरिएको छ । अदालतमा हुने सेटिङ रोक्नका लागि पेसी व्यवस्थापनमा गोला प्रणाली लागु गर्नु उपयुक्त हुने सुझाव प्रतिवेदनमा दिइएको थियो ।
