आइसीसी क्रिकेट विश्वकप छनोटअन्तर्गत जिम्बाब्वेविरुद्धको खेलमा नेपालले दोस्रो विकेट गुमाएको छ। जिम्बाब्वेको हरारे स्पोर्टस् क्लबमा जारी खेलमा नेपालले ३३.५ ओभरमा दोस्रो विकेट गुमाएको हो।
नेपालका ओपनर कुशल भुर्तेल ९९ र आशिफ शेख ६६ रन बनाएर आउट भए।
कुशल शतक पूरा गर्नबाट मात्रै १ रनले चुके। उनी ९५ बलमा ९९ रन प्रहार गरेका हुन्। त्यस्तै आशिफ १०० बलमा ६६ रन बनाएर आउट भए।
उनीहरु दुई ओपनरले १ सय ७१ रनको साझेदारी गरे।
नेपालले अहिले ३३.५ ओभरमा १ सय ७४ रन बनाएर खेलिरहेको छ। नेपालका कुशल मल्ल र कप्तान रोहित पौडेल ब्याटिङमा छन्।
