भारतमा जारी १४औँ संस्करणको साफ च्याम्पियनसिप फुटबल प्रतियोगिताअन्तर्गत भारतसँगकाे खेलमा नेपाल पराजित भएकाे छ।
बैंगलोरस्थित श्री कांतिराव स्टेडियममा शनिबार भएकाे खेलमा नेपाल साविक विजेता भारतसँग २-० ले पराजित भएकाे हाे। याे सँगै नेपाल समूह चरणबाटै बाहिरिएकाे छ।
भारतको जितमा ६१औं मिनेटमा सुनिल क्षेत्री र ७०औं मिनेटमा महेश सिंह नाओरेमले गोल गरे। यस जितसँगै समूह 'ए' बाट भारतले सेमिफाइनलमा स्थान बनाएको छ।
पहिलाे खेलमा पनि पराजित भएकाे नेपालले अब मंगलबार पाकिस्तानसँग खेल्नेछ।
