भारतमा जारी साफ च्याम्पियनसिप फुटबलको पहिलो खेलमा नेपाल कुवेतसँग पराजित भएको छ।
बैंगलोरस्थित श्री कांतिराव स्टेडियममा बुधबार भएको उद्घाटन खेलमा कुवेतसँग नेपाल ३-१ ले हारेको हो। २३औं मिनेटमा अग्रता लिएको कुवेतले ४१औं मिनेटमा दोस्रो गोल थप्यो। खेलको ६५ औं मिनेटमा मोहमदले पेनाल्टी मार्फत गोल गर्दै कुवेतलाई ३-० को अग्रता दिलाए।
खेलको ६८ औं मिनेटमा अन्जन विष्टले गोल गरेपनि नेपाल ३-१ ले पराजित भयो। अन्जनको यो नेपालका लागि १२ औं अन्तराष्ट्रिय गोल हो।
जारी प्रतियोगितामा समूह ‘ए’मा नेपालले आयोजक भारत र पाकिस्तानसँग खेल्ने छ। नेपालले समूह चरणको दोस्रो खेलमा शनिबार भारतको सामना गर्नेछ।
