सेतोपाटीमा ब्लग पढ्दै थिएँ। सेतोपाटीका ब्लगहरू समसामयिक विषयमा निकै मन छुने हुन्छन्। विश्व कहाँबाट कहाँ पुग्यो। हाम्रो समाजमा भने स्वर्गको ढोका उघार्न, पित्तृको उद्धार गर्न छोरा नै चाहिन्छ भनेर भ्रूण पहिचान गरी भ्रूण हत्या गर्ने जस्तो निकृष्ट अपराध भैरहेको छ।
गाउँमा मात्र हैन सहर बजारमा समेत लिंग विभेदका कथा व्यथा छ्याप्छाप्ती पाइन्छन्। छोरा नजन्माउँदासम्म छोरी पाइरहने पुरातन चलनमा परिवर्तन देखिए पनि महिलाको ज्यान जोखिममा पारेर गर्भपतन गर्ने, छोरा नपाएकै निहुँमा महिलालाई उत्पीडनमा पार्ने गरिएका समाचार दिनहुँ अखबारमा छापिन्छन्।
