अख्तियार दुरुपयोग अनुसन्धान आयोगले काठमाडौँकाे ताहाचलस्थित वैदेशिक रोजगार विभागमा कार्यरत लेखापाल प्रमोद निरौलाविरुद्ध भ्रष्टाचार मुद्धा दायर गरेको छ।
घुस लिएर भ्रष्टाचार गरेको आरोपमा निरौलाविरुद्ध साेमबार विशेष अदालतमा मुद्धा दायर गरेको अख्तियारका प्रवक्ता नरहरि घिमिरेले जानकारी दिए।
निरौला धरौटी रकम फिर्ता गर्ने क्रममा सेवाग्राहीसँग १५ हजार घुस लिएको अवस्थामा पक्राउ परेका थिए।
उनीविरुद्ध भ्रष्टाचार निवारण ऐन, २०५९ को दफा ३ को उपदफा (१) को (क) बमोजिम कैद र जरिवाना माग गर्दै मुद्दा दायर गरिएकाे छ।
.JPG)
