काठमाडौँमा भएको सौर्य एयरलाइन्सकाे विमान दुर्घटनामा परेर बाँच्न सफल भएका पाइलट मनिषरत्न शाक्य अस्पतालबाट आज डिस्चार्ज हुने भएका छन्।
गत साउन ९ गतेदेखि उनको काठमाडौँको सिनामंगलस्थित केएमसी अस्पतालमा उपचार भइरहेको थियो। उनको स्वास्थ्य अवस्था हाल सामान्य रहेको अस्पतालले जनाएको छ ।
काठमाडौँबाट आफ्नै कर्मचारी लिएर पोखरा जान लागेको सौर्यकाे जहाज त्रिभुवन अन्तर्राष्ट्रिय विमानस्थलमै दुर्घटना भएको थियो। दुर्घटनामा जहाजमा सवार १९ मध्ये १८ जनाको निधन भएको थियो।
.JPG)
