नेकपा एमालेका नेता भीम रावलले टुँडिखेलमा नाराबाजी गर्नेलाई नेताले मञ्चबाटै गाली गर्नु र गिरफ्तार गराउनु मौलिक अधिकारको उल्लङ्घन भएकाे बताएका छन्।
सामाजिक सञ्जालमार्फत नेता रावलले जनताले विरोध र आलोचना किन गरेछ भनी आफूलाई बुझ्ने जनमुखी ठहरिन्छ भने दमनमा उत्रिने निरंकुश स्वेच्छाचारी हुने बताए।
उनले भनेका छन्, ‘टुंडिखेलमा नाराबाजी गरेको भनी नेताले मञ्चबाटै गाली गर्नु र पछि गिरफ्तार गराउनु संविधानले दिएको मौलिक अधिकारको उल्लङ्घन हो। जनताले विरोध र आलोचना किन गरेछ भनी आफुलाई बुझ्ने जनमुखी ठहरिन्छ भने दमनमा उत्रिने निरंकुश स्वेच्छाचारी। जनआक्रोशको कारण र समाधान खोज्नु जिम्मेवारको कर्तब्य हो।’
.JPG)
