रास्वपा सांसदहरूले निलो रिबन लगाएर सदनमा प्रवेश गरेपछि नेपाली कांग्रेसले नियमापत्ति गरेको छ।
कांग्रेस प्रमुख सचेतक श्याम घिमिरेले रास्वपा सांसदहरू ‘अर्यादित’ पहिरनमा उपस्थित भएको भन्दै सचेत गराउँन सभामुखको ध्यानाकर्षण गराए। त्यस्तै उनले आवश्यक परेको खण्डमा संसदमा अमर्यादित पोशाकमा आउने सांसदहरूलाई सदनबाट निष्कासित गर्नसमेत माग गरे।
कांग्रेसको नियमापत्तिपछि सभामुखले बैठक आधा घण्टाका लागि स्थगित गरेका छन्।
मंगलबारको प्रतिनिधि सभा बैठकमा रास्वपा सांसदरहरूले भिजिट भिसा प्रकरणमा गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै मानव तस्करीविरुद्धको अभियानको प्रतिक ‘निलो रिबन’ लगाएर विरोध जनाएका थिए।
.JPG)