१३ औं दक्षिण एसियाली खेलकुद (साग) को महिला क्रिकेटमा तीब्र गतिकी बलर अन्जली चन्दको शानदार प्रदर्शन गरेपछि माल्दिभ्स १०.१ ओभरमा १६ रनमा अल आउट भएको छ।
आक्रमणविरुद्ध माल्दिभ्सका ९ जना खेलाडीले खाता खोल्न सकेनन्। उसका हफ्सा अफ्सा अब्दुल्लाले ४ र हामना नियाजले ९ रन बनाउन बाहेक अन्यले खाता खोल्न सकेनन्।
अन्जलीले २.१ ओभरमा २ मेडन कुनै रन नदिइ ६ विकेट लिइन्। करुणा भण्डारीले २ विकेट हात पारिन्।
यो विश्व टि–ट्वान्टी वोमनमा विश्व कीर्तिमान हो। यसअघि मलेसियाकी मास अलिसाले ४ ओभरमा १ मेडन सहित ३ रन खर्चेर ६ विकेट लिइकी थिइन्।
