विराटनगर टाइटन्स पोखरा प्रिमियर लिग (पीपीएल) मा लिगमा प्लेअफमा पुगेको छ।
बुटवल ब्लास्टर्सले दिएको १३३ रनको लक्ष्य पछ्छाएको विराटनगरले ६ विकेट गुमाउँदै ११.४ ओभरमा पुरा गरेपछि रनरेटको आधारमा प्लेअफमा पुगेको हो।
विराटनगरको जितमा पाकिस्तानका नोमन खानले २२ बलमा ५ चौका सहित ३५ रनको योगदान दिए।
पुष्प थापा १८ र मिनास थापा १ रनमा अविजित रहे। पुष्पले ८ बलमा ३ चौका प्रहार गरे।
बुटवलका नितेश थापाले २, कमल खत्री, हर्ष टोन्क र अभिनास बोहराले १–१ विकेट लिए।
यसअघि पोखरा रंगशालामा टस हारेर पहिले ब्याटिङमा उत्रिएको बुटवल ब्लास्टर्सले ७ विकेटको क्षतिमा १३३ रन बनाएको थियाे।
बुटवलका लागि हर्ष टोन्कले सर्वाधिक ६७ रन बनाए। उनले ४४ बलमा ६ चौका र ५ छक्का प्रहार गरेका थिए। यस्तै शिवम् सिंहले ३७ रन र सिदान्त लोहनीले ११ रनको योगदान दिँदा अन्य खेलाडीले भने सम्झन लायक प्रर्दशन गर्न सकेनन्।
विराटनगरका लागि जैद आलमले ४ तथा किशोर महतोले २ विकेट हात पारे। यस्तै दिपेश श्रेष्ठ, शाहब आलमले समान १/१ विकेट लिए।
विराटनगरको अप्रत्याशित जितसँगै ज्ञानेन्द्र मल्ल कप्तान रहेको काठमाडौं लिग चरणबाटै बाहिरिएको छ। फाइनल प्रवेशको लागि विराटनगर र बुटवलबीच बिहीबार क्वालिफायर खेल हुनेछ। फाइनल पुष १२ मा हुने । चितवन अपराजित रहँदै शीर्ष स्थानमा रहेर फाइनलमा पुगिसकेको छ।
