शहीद स्मारक ए डिभिजन लिगमा आज चौथो चरणको अन्तिम खेल हुँदैछ।
विभागीय टोली एपीएफ र सरस्वती युथ क्लब आज खेल्दैछन्। तीन चरणको खेल खेल्दासम्म जित विहिन सरस्वतीले कुनै अंक जोड्न सकेको छैन।
उता, एपीएफले एक खेल बराबरीबाट १ अंक मात्र जोडेको छ। दुई खेलमा एपीएफ पराजित भएको थियो।
३ खेलबाट १ अंक रहेको एपीएफ १२ औँ तथा समान खेल खेलेको सरस्वती १४औं स्थानमा छ।
एपीएफ र सरस्वती युथ क्लबबीचको खेल दिउँसो ३ बजे सातदोबाटोस्थित एन्फा कम्प्लेक्समा हुनेछ।
