नेपाल राष्ट्र बैङ्कले चालु आर्थिक वर्षका लागि ल्याएको मौद्रिक नीति विगतका वर्षहरूको भन्दा कम आलोचित छ । कोभिड-१९ ले औद्योगिक तथा व्यावसायिक क्षेत्र संकटमा परेका बेला आएको मौद्रिक नीतिलाई निजी क्षेत्रले खुलेर स्वागत गरेको छ ।
सधैं सरकारसँग असन्तुष्ट रहने निजी क्षेत्रले समेत यसपटक फरकखालको प्रतिक्रिया दिएको छ । गत जेठ १५ मा आएको बजेटलाई ‘निराशावादी’ भनेका निजी क्षेत्रका छाता संगठनहरूले मौद्रिक नीतिलाई किन स्वागत गरिरहेका छन् त ?
