देशभर पछिल्लो २४ घण्टामा ३ हजार ७५० जना कोरोना सङ्क्रमित थपिएका छन्।
स्वास्थ्य तथा जनसंख्या मन्त्रालयका अनुसार ९५९८ पीसीआर परीक्षणमा २७०९ जना र ५५८४ एन्टिजेन परीक्षणमा १०४१ जना गरी ३७५० जनामा संक्रमण पुष्टि भएको हो।
यस्तै आज ५ हजार २२५ जना सङ्क्रमित निको भएर घर फर्किएका छन्।
मन्त्रालयका अनुसार विगत २४ घण्टामा कोरोना भाइरस सङ्क्रमणबाट ६७ जनाको मृत्यु भएको छ। योसँगै कोरोना भाइरस सङ्क्रमणबाट मृत्यु हुनेको सङ्ख्या आठ हजार ३०५ पुगेको छ।
