आफ्नो २५ वर्ष लामो फोटोग्राफी यात्रामा ५२ वर्षे फोटाग्राफर किशोर श्रेष्ठ अहिले सबैभन्दा बढी खुसी छन् । उनले खिचेको एक तस्वीर संसारकै प्रतिष्ठित वर्ल्ड फोटोग्राफी अवार्ड्सको पुस्तकमा छापिएको छ । गत साता उनले उक्त फोटो पुस्तक हात पारेका छन् ।
‘फोटोग्राफरका लागि सोनी वर्ल्ड फोटोग्राफी अवार्डअन्तर्गत कुनै पुरस्कार पाउनु भनेको सिनेमाकर्मीले ओस्कार पाउनुजस्तै हो’, उनले भने, ‘प्रतियोगिताको आयोजकले इमेलमा मलाई दिएको जानकारीअनुसार, मैले खिचेको फोटो ३ लाख ७६ हजार तस्वीरबाट छानिएको हो ।’
