अखिल नेपाल फुटबल संघ (एन्फा)ले संकटा क्लबका अध्यक्ष इन्द्रमान तुलाधरलाई प्रमुख कार्यकारी अधिकृत (सिइओ)मा नियुक्त गरेको छ।
एन्फाकाे सोमबार बसेको कार्यसमिति बैठकले तुलाधरलाई सिइओ नियुक्त गरेको हो।
गत शनिबार महासचिव किरण राई र तुलाधरले संयुक्त रुपमा आयोजना गरेको पत्रकार सम्मलेनमा एन्फा अध्यक्ष पंकजविक्रम नेम्वाङको नेतृत्वलाई साथ दिने तुलाधरले बताएका थिए।
यसअघि पूर्वअध्यक्ष कर्माछिरिङ शेर्पासँग मिलेर गत भदौ २५ गते तुलाधरले अध्यक्ष नेम्वाङ र महासचिव किरण राईको बर्खास्तीको माग गरेका थिए।
यसअघि पनि तुलाधर एन्फाको सिइओ भइसकेका छन्। उनी एन्फाको पूर्व महासचिवसमेत हुन्।
-(1).jpg)
.JPG)
