विदेशमा रोजगारीका लागि पठाउने आश्वासन देखाएर ठगेको आरोपमा प्रहरीले दुईजनालाई पक्राउ गरेको छ। पक्राउ पर्नेमा मोरङ घर भएर अनामनगर बस्ने ३४ वर्षीय नर्वदा कुमार खड्का र काठमाडौँको नागार्जुन घर भएका ४० वर्षीय पासाङ लामा छन्।
खड्काले क्यानडा पठाउने आश्वासन दिएर पीडितसँग ३ लाख ८५ हजार ठगेको प्रहरीको अनुसन्धान निष्कर्ष छ। पासाङले दुईजना पीडितबाट पोर्चुगल पठाउने आश्वासन दिएर ५ लाख २० हजार ठगेको उपत्यका अपराध अनुसन्धान कार्यालयले बताएका छन्।
उनीहरूलाई कानुनी कारबाहीका लागि प्रहरीले वैदेशिक रोजगार विभागमा पठाएको छ।
.JPG)
